Dakong hagit ang klima sa Bukidnon para sa mga atleta gikan sa nagkalain-laing lugar sa rehiyon 10, lakip na ang delegasyon gikan sa Misamis Occidental alang sa umaabot nga Northern Mindanao Regional Athletic Association (NMRAA) 2026.
Matud ni Belcesar G. Baldero, Nurse II sa Misamis Occidental delegation, gisauhan sa ilang team ang pag-abot sa lalawigan aron hatagan og igong panahon ang ilang mga atleta nga maanad sa bugnaw nga panahon.
Gipasabot ni Baldero nga dako ang kalainan sa temperatura sa Bukidnon kumpara sa ilang gigikanan nga luagar diin adunay mas init nga klima.
Kini nga lakang nagtumong nga malikayan ang bisan unsang problema sa panglawas nga mahimong makaapekto sa performance sa mga magdudula, sama sa nahitabo sa milabay nga Palarong Pambansa diin ang pipila kanila wala nakasalmot tungod nagsakit gumikan sa klima.
Pinaagi sa sayong pag-anad sa palibot, gilauman nga mas mamahimong andam ug luwas ang mga atleta sa umaabot nga kompetisyon.