MALAYBALAY CITY – Nabutang sa peligro ang kondisyon sa pipila ka mga boxing team gikan sa Misamis Occidental human pipila sa mga atleta ang nangasakit pag-abot pa lang nila sa Bukidnon alang sa NMRAA 2026.
Sa exclusibong pakighinabi sa Bombo Radyo kay Coach Sunnyboy Ibarra ug Jose Viclester G. Pantoja nga nabag-ohan ang lawas sa pipila ka players tungod sa sobra kabugnaw sa klima sa Bukidnon.
Matud pa niini, daghan ang gipang-sip-on.Bisan pa man niini gisaysay pa ni Coach Ibarra ug Pantoja nga 95% na ang ilang preparasyon. Ang maong mga delegates gikan sa ilang Probinsya nga gilangkuban sa mga karaan ug bag-ong players.
Gipaningkamutan sa mga coach nga maulian ang mga bata pinaagi sa ilang training matrix sa Linabo Elementary School. Samtang gibutyag usab niini nga abunda sila sa tubig luyo sa krisis sa panubig sa dakbayan.