Kanselado gihapon ang klase sa pipila ka lugar sa Pilipinas tungod sa epekto sa bagyong Dante, Emong ug habagat.Sa Ilocos Region, gisuspinde ang klase sa tibuok probinsya sa Pangasinan sa tanang lebel sa pampubliko ug pribadong tunghaan.
Ubay-ubay nga lungsod sa probinsya, partikular na ang Umingan, Malasique, Mapandan, Dagupan City, Calasiao, Lingayen, Malasiqui, Mangatarem, ug Sta. Barbara diin nagdeklara na usab ug state of calamity tungod sa grabe nga pagbaha nga naigo sa nasampit nga mga lugar nga nagresulta sa pagbakwit sa mga residente.
Sa National Capital Region, naka suspenso gihapon ang klase sa Malabon ug Navotas sa tanang lebel sa publiko ug pribadong tunghaan.Sa Calabarzon, kanselado na ang klase karong adlawa lakip na ang Silang ug General Trias City sa lalawigan sa Cavit sa tanang lebel sa publiko ug pribadong tunghaan.
Gideklara na usab sa Antipolo City nga suspension sa klase sa tanang lebel sa mga pampublikong tunghaan.Samtang sa rehiyon sa Mimaropa, walay klase sa Occidental Mindoro sa tanang lebel sa publiko ug pribadong eskwelahan.