Kiray Celis, nagtinguha nga makaanak og pito

Gipadayag sa aktres-entrepreneur nga si Kiray Celis nga kini ug ang bana nga si Stephan Estopia nagtinguha na nga magkaanak, ug kini usa sa labing dakong pangandoy sa kinabuhi karon.

Sa bag-ohay lamang nga Traslacion sa Black Nazarene sa Quiapo, miampo kini aron panalanginan nga magka-anak ug naglaum nga matuman na sa sunod nga pagbisita, mahimo nang ginikanan.

Matud usab ni Kiray, nga sa taas nga plano sa pamilya, gusto niini nga magka-anak ug pitong ka bata, diin ang kinabuhi nga daku sa pamilya ug daghang igsoon nagdasig kaniya sa pagpaningkamot nga mapadako ang pamilya.

Bisan pa man, nagpasalig kini nga ang tanan ihalad sa plano ug oras sa Ginoo.