Gikumpirma sa Buckingham Palace ug ni US President Donald Trump nga si King Charles III ug Queen Camilla mopahigayon og usa ka “historic state visit” sa Estados Unidos karong umaabot nga Abril 27 hangtod 30, 2026.
Mao kini ang labing unang state visit ni King Charles sa Amerika sukad siya nahimong hari. Tumong sa maong pagbisita ang pagsaulog sa ika-250 nga anibersaryo sa kagawasan sa Amerika (250th anniversary of American Independence) ug ang pagpalig-on sa relasyon sa duha ka nasod.
Sumala ni President Trump, duna silay ihanda nga magarbo nga Banquet Dinner sa White House sa gabii sa Abril 28 alang sa mga harianong bisita. Human sa ilang pagbisita sa Amerika, moadto usab ang Hari sa Bermuda, usa ka British Overseas Territory.
Bisan pa man niini, duna’y pipila ka mga opisyal sa Britanya ang nagkanayon nga mas maayo unta kon i-oktaba ang biyahe tungod sa nagpadayong tensyon ug gubat sa Middle East nga naglambigit sa US ug Iran. Apan alang sa Buckingham Palace, ang maong biyahe usa ka importante nga lakang alang sa diplomasya tali sa duha ka gamhanang nasod.