Napili pag-sab si Kim Jong Un isip presidente sa State Affairs sa North Korea, ang paglingkod pag-usab ni Kim isip Presidente sa State Affairs Commission—ang pinakataas nga posisyon nga tigpasiugda sa mga polisiya ug kagamhanan sa nasud.
Sumala sa maong taho, ang desisyon sa pagpili pag-usab kaniya sa pinakataas nga posisyon sa estado nagpakita sa hiniusang tinguha ug kabubut-on sa tanang lungsoranon sa North Korea.
Si Kim Jong Un mao ang ikatulo nga henerasyon sa mga lider sa maong nasud nga gitukod sa apohan niini nga si Kim Il Sung niadtong 1948, kini ang nagdumala sa North Korea sukad pa niadtong tuig 2011 human mitaliwan ang amahan niini.
Ang maong pagpapili pag-usab kaniya nagpalig-on pa sa gahom ug impluwensya isip nag-inusarang lider sa maong nasud.