Gipadayag ni Nicholas Kaufman, nag-unang abogado sa depensa ni kanhi Presidente Rodrigo Duterte, sa International Criminal Court nga gamay lamang ang porsyento sa mga namatay tandi sa kinatibuk-ang gidaghanon sa mga operasyon sa kampanya batok sa illegal nga droga.
Matud ni Kaufman, base sa datos sa Philippine Drug Enforcement Agency, kapin sa lima ka libo ang namatay atol sa anti-drug operations gikan 2016 hangtod 2019, apan kini matud pa gamay lamang itandi sa kapin sa usa ka gatos ka libo nga naaresto ug sa libo-libong operasyon nga gihimo sa law enforcement.
Sumala sa depensa, nga nagpasabot kini nga kadaghanan sa mga operasyon mitapos sa pagdakop nga anaa sa 97% ug dili sa pagpatay nga anaa lamang sa 3%, ug hinungdan nga dili angay tawgon nga halapad o sistematiko nga patakaran sa pagpatay ang gipatuman sa administrasyon ni Duterte.
Kahinumdoman, nga anaa sa kapin 30,000 nga estima sa Human Rights Watch ug Amnesty International sa mga biktima sa war on drugs.
Base niini, nga mas taas ang tinuod nga ihap tungod gilakip sa maong grupo ang gikaingong extrajudicial killings nga wala matud pa malakip sa opisyal nga lista sa kapulisan, lakip ang mga gipatay sa wala mailhing armado ug vigilante.