Subling gihalungkat karun ang isyu sa korapsyon kalabot na sa flood control projects diin gibug-atan ang kamihinungdanon sa papel sa katawhan aron mapakgang ang halapad nga kinawatay sa pondo sa nasud.
Matud ni Atty. Oscar Moreno, usa ka propesor ug mambabalaod nga dako og role o papel ang katawhan sa pagpili og politiko nga maoy nagtukmod sa makasubo nga kahimtang sa nasud karun.
Gipunting sa abogado nga kinahanglan makaamgo sa mga tawo sa riyalidad gumikan aduna usab tulubagon ang katawhan nga mipili ug nagbutang sa katungdanan sa mga lider sa kasamtangan.
Dugang pa, hingpit usab nga gitumbok sa abogado nga ang pagbaligya sa boto susama ra nga gibaligya ang kaugalingong kaugmaon lakip na ang mismong komunidad ug sa mga mosunod pang henerasyon.
Gipunting usab niini nga ang vote buying usa sa naandan na sa katawhan nga nagresulta sa walay klarong pundasyon sa gobyerno.
Apan naglaom ang Atty. Moreno nga makaamgo na ang katawhan aron matapos na ang bug-at nga isyung gisagubang sa nasud sama sa korapsyon.