Andam na ang kasong ipasaka batok kang Marlon Abdon Saraot, ang gikaingong suspek sa brutal nga pagpatay sa 15-anyos nga Grade 9 student diin napalgan nga wala nay ulo sa usa ka katubhan sa Sitio Sinait, Barangay Dagat-Kidavao, Valencia City.
Nasikop na kagahapong adlawa Enero 11, ang 38-anyos nga suspek, trabahante sa katubhan ug residente sa Purok Sinait, human sa hiniusang manhunt operation sa kapulisan, kasundalohan, mga opisyal sa barangay, ug mga lider sa Indigenous People (IP) sa maong lugar.
Giila sa kapulisan ang suspek nga si Marlon Abdon Rosaut, kinsa miangkon nga gilugos ang biktima ug siya usab ang responsable sa pagpatay.
Matud ni PCol. Oliver Sotto Navales, Director sa Bukidnon Police Provincial Office, kasamtangan nang anaa sa kustodiya sa Valencia City Police Station ang suspek samtang ginahikay na ang pormal nga pagsaka sa mga kaso batok kaniya, lakip na ang kasong rape with homicide human kini mitugma sa pag-angkon sa suspek tandi sa mga ebidensya nga nahipos sa mga otoridad.
Gikumpirma usab sa opisyal nga ang suspesado una nang nabilanggo ug adunay criminal records, busa nagpabilin niini ang pagbaton og criminal mind.
Kahinumduman usab nga gibutyag ni Atty. Heinz Guderian Villanueva, Valencia City Administrator, human sa pagkasikop, gikumpirma sa suspek ngadto sa mga imbestigador nga gilugos niini ang nga biktima sa wala pa kini brutal nga gipatay ug gipugotan og ulo nga hinungdan sa hinanaling kamatayon niini.