Nasikop sa mga otoridad ang usa ka wanted person tungod sa kasong child abuse kagahapong adlawa, Marso 30, 2026, sa may Everlasting Village, Barangay Poblacion, Pangantucan, Bukidnon.
Giila sa kapulisan ang suspetsado nga si Abner Juan Fragata alias Abner Fragata, 53 anyos, ulitawo, usa ka karpintero, ug residente sa Barangay Guinoyoran, Valencia City.
Ang maong suspetsado nasikop pinaagi sa gahum sa Warrant of Arrest alang sa kasong Other Acts of Child Abuse ubos sa Criminal Case No. 48032-26 nga gi-isyu niadtong Marso 24, 2026, diin adunay girekomendang piyansa nga mukabat sa Php36,000.00.
Ang malampusong operasyon gipahigayon sa mga personahe sa Pangantucan Municipal Police Station sa pamunoan ni PCPT Christopher P. Tuzara II, inabagan sa 2nd Bukidnon PMFC, 1004th Maneuver Company sa RMFB 10, ug Provincial Intelligence Unit.
Sa pagkakaron, ang dinakpan anaa na sa kustodiya sa Pangantucan MPS alang sa saktong dokumentasyon ug disposisyon.