Karl Eldrew Yulo, nakuha ang unang  senior gold medal sa Gymnastics World Cup

Nakuha ni Karl Eldrew Yulo ang  labing unang gold medal niini sa seniors level human nangu sa floor exercise sa FIG Artistic Gymnastics World Cup Series nga gipahigayon sa Antalya, Turkey niadtong Sabado.

Ang 18-anyos nga gymnast namayagpag sa final round pinaagi sa pagtala og 14.100 puntos, diin nakakuha siya og 5.3 sa difficulty ug 8.8 sa execution.

Gilabwan ni Yulo si Eamon Montgomery sa Ireland nga nakakuha sa silver medal uban ang 13.833 puntos, samtang ang bronze medal napunta kang Rayderley Zapata sa Spain nga adunay 13.333 puntos.

Si Karl Eldrew, nga manghud sa two-time Olympic champion nga si Carlos Yulo, ika-upat lamang sa qualification round apan nagpakita og mas lig-on nga performance sa finals aron makuha ang kadaugan.