Karl Eldrew Yulo, abante na sa finals sa horizontal bar

Abante na sa finals si Karl Eldrew Yulo sa horizontal bar sa Gymnastics World Cup nga gipahigayun sa Baku, Azerbaijan.

Nakakuha si Yulo og 13.533 points ug nahuman sa ika-unom nga pwesto sa qualifiers, nga nakahatag kaniya og puwesto sa medal round sa maong event.

Ang horizontal bar lamang ang nasudlan niini sa finals human mapakyas siya sa pommel horse ug vault events.

Makigbangi usab si Yulo sa floor exercise finals, samtang ang horizontal bar medal round gikatakdang ipahigayon sa adlaw’ng Domingo.

Kini usab ang unang senior level nga partisipasyon ni Yulo sa Gymnastics World Cup.

Kahinumduman, nga niadtong Nobyembre sa miaging tuig, sa Junior World Championships nakadaog kini og duha ka bronze medals sa maong mga event.