Gigamitan og pepper spray sa kapulisan sa Australia ang pundok sa mga raliyesta human sa nahitabong tensyon atol sa gihisgutang protesta batok sa pagbisita ni Israeli President Isaac Herzog sa nasud.
Base sa report, pipila ka mga protesters ang gipang-aresto sa mga otoridad human kini nakaatbang sa mga miresponding pulis.
Ang maong grupo mipaabot sa ilang hugot nga pagsupak sa presensya ni Herzog sa Australia.
Ang opisyal nga pagbisita sa Presidente sulod sa upat ka adlaw dunay katuyoan nga bisitahan ang mga kabanay sa mga biktima ug ang mga lubnganan sa nangamatay sa nahitabong pagpamusil sa Bondi Beach niadtong milabayng nga bulan.
Nasayran nga si Herzog gidapit ni Australian Prime Minister Anthony Albanese sa tinguha nga mahatagan og paghupay ug panaghiusa ang komunidad sa mga Hudyo nga naapektuhan sa maong insidente sa Bondi Beach.