Mikunhod ang ihap sa mga krimen sa tibuok Rehiyon 10 sa miaging mga bulan apan padayon gihapon ang walay hunong nga kampanya sa kapulisan batok sa tanang matang sa kriminalidad.
Matud PBGen. Rolindo M. Suguilon, Regional Director sa Regional Police Office 10, dako ang ihap sa pagkunhod sa kriminalidad sa rehiyon sa miaging mga bulan, apan nagpabilin gihapon nga alerto ug aktibo ang kapulisan aron mapadayon ang kalinaw ug seguridad.
Mapasigarbuhon si Suguilon, nga ang pagkunhod sa krimen usa ka positibong resulta sa ilang mga operasyon, lakip na ang mga checkpoint, Oplan Sita, ug kampanya batok ilegal nga droga ug armas, ug sa tanan illegal nga produkto.
Gani, mapasigarbuhon kini nga hugot nilang natuman ang mando ni PNP Chief Gen. Nicolas Torre III nga 3-5 minutes response time.
Giklaro usab sa Regional Director, nga wala matud pa kini nagbase sa ihap o ranking, apan mas hugot niining gituokan ang performance sa kapulisan ug sa buhatan.
Padayon usab ang mas hugot nga kampanya sa kapulisan sa Rehiyon 10 batok sa nagkadaiyang illegal nga kalihukan, gawas pa sa ilang operasyon batok kriminalidad ug emerhensiya.
Dugang pa ni Suguilon, nga mas gipakusgan ang kampanya batok sa mga smuggled nga produkto, nga miresulta sa pagkompiska sa kapin kon kulang P22 milyones nga kantidad sa smuggled nga sigarilyong gipasulod sa rehiyon.
Gibutyag usab sa opisyal, nga nahimong agianan ang rehiyon sa mga illegal nga produkto gikan sa mga lahi-lahing rehiyon, hinungdan nga gipalig-on ang mga checkpoints ug ubang mga akang aron mapugngan ang pagsulod ug paglihok sa mga illegal nga kontrabando.
Nakigkoordina na usab ang PRO10 sa mga personahe sa licensed Small Town Lottery alang sa mas hugot nga mga sumbanan.
isiguro sa kapulisan nga ang ilang kampanya batok kriminalidad magapadayon nga patas, makatarunganon, ug epektibo.
Nanghinaot usab sila sa padayon nga suporta sa publiko alang sa mas luwas ug malinawon nga rehiyon.