Gikakurat sa kapitan sa Barangay Casisang nga si Gregorio Jaroy ang impormasyon kabahin sa bag-ong ordinansa nga gisugyot ngadto na sa konseho sa dakbayan sa Malaybalay nga nagtinguha sa pagbahin sa barangay ngadto sa duha.
Gikasubo niini ang maong aksyon ug miingon nga isip usa ka amahan ug lider sa barangay, wala siya gipahibalo sa maong lakang sa wala pa kini giduso sa konseho.
Matud pa niini, didto na lamang niya nakita sa Facebook ang balita kabahin sa ordinansa nga naglakip sa pagbahin sa Casisang ngadto sa Upper ug Lower Casisang.
Gipahayag usab niini nga ang maong butang angay nga giagi og konsultasyon sa barangay officials ug mga residente aron malikayan ang kalibog ug kabalaka sa komunidad.
Gumikan na-shocked na lamang matud pa siya sa maong panghitabo sa konseho.
Gidugang usab sa kapitan nga dako kining insulto kaniya isip amahan sa maong barangay.
Hilabihan ang iyang katingala ug kalibog gumikan daghan matud pa nga mga residente o indibidwal ang miduol kaniya aron mangutana kung miuyon ba siya sa maong sugyot apan wala siya’y matubag gumikan wala siya gipahibalo sa maong kasayuran.Â