- Advertisement -
Mukabat sa kapin ₱700,000 pesos ang damyos sa natigayong sunog sa Purok 3, Barangay Tawas, Kitaotao, Bukidnon, hinungdan sa pagka-ugdaw sa tulo ka residensya ug tulo ka establisyemento sa milabayng adlaw.
Sa pakighinabi sa Bombo Radyo Malaybalay, gibutyag ni SFO2 Reny R. Rubillos, Officer-In-Charge sa Provincial Chief Fire Safety Enforcement, BFP Bukidnon, nga ang sunog nagsugod sa kisame sa bodega sa usa ka bakery, base sa testimonya sa mga nakakita.
Wala’y gikataho nga naangol o namatay sa insidente. Sagol ang mga naapektuhan nga residential ug commercial properties. Padayon ang imbestigasyon sa hinungdan sa sunog aron masuta ang tinuod nga rason ug malikayan ang susamang insidente sa umaabot.
- Advertisement -