Mikabat sa kapin P100,000,000 ang kinatibuk-ang kantidad ang damyos sa mga insidente sa sunog nga natala sa Bureau of Fire Protection (BFP) sa Bukidnon sa milabayng tuig 2025. Base sa report miabot sa 218 ka insidente ang natala sa tibuok probinsya.
Sa pakighinabi sa Bombo Radyo Malaybalay kang SFO1 Marvin G. Talibong, Officer-in-Charge sa intelligence and investigation section sa BFP Bukidnon, gisulti niini nga kadaghanan sa mga sunog kasagaran mga residential buildings nga adunay 134 ka kaso.
Gisundan kini sa 14 ka grassfire, 7 ka educational buildings, 22 ka vehicular fires, ug 17 ka storage buildings.
Dugang pa sa opisyal, ang kinatibuk-ang damyos gibanabanaang miabot sa P101,408,860, diin dako nga bahin niini naggikan sa mga dagkong storage buildings nga nasunog.