Kapin sa 2 ka milyon nga mga tao, mibakwit sa Punjab, Pakistan tungod sa kusog nga pagbaha

Moabot na sa duha ka milyon ka mga tao ang nabakwit sa Punjab, Pakistan human sa baha.

Miluwat ang national disaster management chief Inam Haider Malik nga 150,000 ka mga tao usab ang gipabakwit sa lalawigan sa Sindh.

Gipaabot usab niini nga madugangan pa ang ihap sa mga bakwit sa umaabot nga mga adlaw.

Ang maong kusog nga pag-ulan miresulta usab sa pagkamatay sa kapin sa 900 ka mga tao sukad kaniadtong Hunyo.

Gumikan sa pipila ka adlaw nga pag-ulan, mikusog ang bul-og sa mga suba sa lain-laing bahin sa Pakistan.