Kapin P64K nga smuggled nga sigarilyo nasakmit; 6 ka indibidwal nasikop sa operasyon sa Bukidnon

Nasakmit sa kapulisan ang kapin P64,000 nga kantidad sa gituohang smuggled nga sigarilyo ug unom ka indibidwal ang nasikop sa sunod-sunod nga operasyon batok sa illegal nga sigarilyo sa lain-laing lugar sa Bukidnon niadtong milabayng adlaw.

Sa mga operasyon, nasakmit ang nagkadaiyang brand sa sigarilyo nga walay Government Graphic Health Warning ug wala usab makapakita og legal nga dokumento ang mga nagbaligya.

Lakip sa narekober ang kapin 20 ka reams sa Maramag, 26 ka reams sa Talakag, samtang ubang reams usab ang nasakmit sa Kalilangan, Kibawe ug Don Carlos nga adunay kinatibuk-ang gibanabang market value nga kapin sa P64,000.

Ang mga nasikop nga indibidwal anaa na sa mga Municipal Police Station alang sa hustong disposasyon