Mokabat sa kapin P611-milyon ang kinatibuk-ang kantidad sa restitution money nga narekober sa gobyerno gikan sa mga kwestyonableng flood control projects sa nasud.
Kini ang sentro sa report ni Department of Justice (DOJ) Secretary Fredderick A. Vida, diin ang maong pundo nga nagkantidad og saktong P611,381,500 hingpit na nga nadeposito sa Bureau of Treasury aron mabalik sa panudlanan sa lungsod.
Dungan niini, gipaspasan usab sa kagawaran ang pag-atiman sa 24 ka mga kaso nga naglambigit sa korapsyon sa nagkadaiyang infrastructure projects.
Sa kasamtangan, unom na niini ang hingpit nga napasaka isip kaso, samtang siyam ang gi-endorso na sa Office of the Ombudsman, ug ang uban anaa pa sa proseso sa resolusyon ug imbestigasyon.
Gisiguro usab sa DOJ ang padayun nga paggukod sa mga nalambigit sa anomaliya ug sa pagsiguro nga mabalik sa katawhan ang pundo nga nakuha pinaagi sa korapsyon.
Dugang pa nga nagpadayon ug wala mohunong ang imbestigasyon sa kaso sa anomalyang flood control projects taliwala sa hagit sa ekonomiya tungod sa taas nga presyo sa lana.