Kapin P5-K nga kantidad sa smuggled nga sigarilyo nasakmit sa managlahing operasyon sa kapulisan

Mukabat sa Php5,520 ang kantidad sa gituohang smuggled cigarettes ang nakumpiska sa managlahing operasyon sa kapulisan sa Lantapan ug Libona, Bukidnon niadtong Pebrero 15.

Sa lungsod sa Lantapan, usa ka lalaki nga namaligya og smuggled nga sigarilyo ang gisulyan pagdakop apan nakaikyas kini ug gibilin ang backpack nga adunay upat ka reams sa lain-laing brand nga nagkantidad og Php1,520.

Samtang sa Libona, nadakpan ang 43-anyos nga babayeng tag-iya sa tindahan human masakpan nga namaligya ug nag-display og smuggled nga sigarilyo nga nagkantidad og Php4,000 ug napakyas sa pagpakita og legal nga dokumento.