Kapin P400-B nga kinatibuk-ang kita sa 2025, natala a sa BSP

Mikabat sa kapin P400 bilyon ang kinatibuk-ang net income nga natala sa mga bangko sa nasud niadtong 2025.

Sumala sa Bangko Sentral ng Pilipinas (BSP), niabot sa P403.1 bilyon  ang nakolektang kita sa milabayng tuig mas taas kini og tulo ka porsyento tandi sa P391.33 bilyon nga kinitaan sa tuig 2024.

Gipasabot sa BSP nga ang pagtaas sa net income sa mga bangko resulta sa pagkunhod sa interest rates nga ilang gipatuman, nga nakahatag og mas maayong kondisyon sa pagpangutang ug pagpamuhunan.

Gikumpirma usab sa sentral nga bangko nga nagpadayon ang paglig-on sa pagsalig sa mga kliyente sa sektor sa pagbabangko, hinungdan nga gilauman nga mosaka pa ang net profit sa mga bangko karong 2026.