Gipahibalo sa Department of Justice (DOJ) nga mikabat na sa P316.38 milyones ang nakolektang restitution money o nahibalik nga kwarta gikan sa maanomalyang flood control projects. Matod ni Justice Secretary Fredderick A. Vida, kini kabahin sa paningkamot sa gobyerno sa pag-uli sa kwarta sa katawhan.
Ang kantidad naggikan sa upat ka state witnesses lakip si kanhi DPWH Usec. Roberto Bernardo, Henry Alcantara, Gerard Opulencia, ug contractor Sally Santos. Klaro usab sa DOJ nga ang pag-uli sa kwarta dili awtomatikong makapa-absuwelto sa kaso tungod kay ubos gihapon kini sa mga kondisyon sa Witness Protection Program.
Gikompirma usab nga si Bernardo nakauli na og P35 milyones isip downpayment gikan sa gibaligya niyang mga kabtangan, ug gilauman nga moabot sa P150 milyones ang iyang total nga mauli.