Nasakmit sa Police Regional Office 10 ang kapin P3,000,000 nga kantidad sa smuggled nga sigarilyo.
Sa eksklusibong pakighinabi sa Bombo Radyo Malaybalay kang PMaj. Joann Navarro, tigpamaba sa Police Regional Office 10, gisulti niini nga hugot ang pagpalig-on sa kampanya batok sa mga iligal nga kalihukan sama sa smuggling ug mining.
Matud sa opisyal mikabat sa kapin 3 milyon pesos ang nakumpiska nga kantidad sa iligal nga pagbaligya og sigarilyo sa rehiyon sulod lamang sa usa ka semana.
Lakip niini ang pagkaaresto sa 11 ka indibidwal nga nagpaluyo sa maong kalihukan.
Hugot usab nga gipasabot sa opisyal nga bisan paman dili gayud hingpit nga masumpo sa mga kapulisan ang mga kriminalidad ug iligal nga kalihukan sa rehiyon busa giawhag niini ang lig-on nga kooperasyon sa publiko.