- Advertisement -
Mukabat sa kapin P14,400.00 ang kinatibuk-ang kantidad sa mga smuggled nga sigarilyo nga nakumpiska sa mga personahe sa Bukidnon 2nd Provincial Mobile Force Company ug Don Carlos Municipal Police Station kagahapong adlawa, Marso 14, 2026, sa Barangay Minsalagan.
Nadakpan sa maong operasyon ang usa ka 31-anyos nga lalaki human kini napakyas sa pagpakita og mga legal nga dokumento ug pagpamaligya og mga sigarilyo nga walay tukmang health warning gikan sa gobyerno.
Ang mga ebidensya naglakip sa napulo ka reams sa Commando ug walo ka reams sa Fort cigarettes nga gidala na sa buhatan sa kapulisan alang sa saktong proseso.
- Advertisement -