Kapin P13-K nga kantidad sa smuggled nga sigarilyo, nakumpiska sa kapulisan sa Don Carlos Bukidnon

Mukabat sa kapin P13,000.00 ang kantidad sa 17 ka reams sa smuggled nga sigarilyo ang nakumpiska sa mga otoridad gikan sa usa ka 28-anyos nga lalaki atol sa gihimong operasyon sa Purok 2, Poblacion Norte, Don Carlos, Bukidnon niadtong Pebrero 28.

Ang maong operasyon gidumala sa Don Carlos Municipal Police Station uban ang koordinasyon sa Provincial Intelligence Unit nga miresulta sa pagkakumpiska sa nagkadaiyang brand sama sa New Far Red, San Marino, ug Establish.

Ang dinakpan uban ang mga nakuhang ebidensya ang gitugyan na ngadto sa Rural Health Unit (RHU) sa Don Carlos alang sa tukmang disposisyon.