Gipadayag sa kapin kon kulang 5,000 ka mga trabahante sa Agrinanas Company Development Inc., usa sa mga plantasyon sa saging human kini kalit nga nagsira sa operasyon.
Sa pakighinabi sa Bombo Radyo Malaybalay kang Jenesa Doroteo Bayoc, trabahante sa Agrinanas Company Development Inc. Sil-ipon, Libona, Bukidnon, gibutyag niini nga 8 ka tuig na kining nagtrabaho sa maong kompanya uban sa iyang bana nga 15 na katuig usab sa serbisyo.
Gipagawas niini iyang kasakit nga gibati tungod sa wala matud pa’y nadawat nga ang tanang trabahante nga klarong pasidaan o notice of termination.
Apan nasabtan matud pa ni Bayoc, ang desisyon sa kompanya gumikan na bankrupt kini tungod daghan kini og kompetensyang kompanya sa laing nasud ug wala na kini ginansya gumikan menos na ang palit sa saging.
Taliwala sa kalit nga pagsirado, mapasalamaton si Bayoc gumikan sulod sa pipila ka mga tuig, maayo ang pagdumala sa kompanya sa mga trabahante.
Gani, gihatagan sila sa tanang benipisyo nga angay nilang madawatan apan papel pa lamang ang anaa sa ilaha gumikan giproseso pa matud pa ug mipasalig ang kompanya nga mahatag kini sunod bulan.