Gipahibalo sa Office of the Civil Defense–Region X nga miabot sa 98,318 ka indibidwal gikan sa 29,735 ka pamilya ang naapektuhan sa Tropical Storm Vasyang sa Northern Mindanao, ilabina sa Iligan City, samtang nagpadayon ang recovery operations.
Sa pakighinabi sa Bombo Radyo Malaybalay kay Office of the Civil Defense–Region X, Director Antonio Sugarol, na matod pa nagpadala og duha ka Rapid Damage Assessment and Needs Analysis (RDANA) teams aron makompleto ug matukma ang datos sa mga kadaut. Sa pagkakaron, dunay 28 ka evacuation centers ang abri sa rehiyon — 25 sa Iligan City ug tulo sa Bukidnon ug Lanao del Norte — nga giasikaso ang kapin 10,783 ka indibidwal gikan sa 3,976 ka pamilya.
Gilauman sa OCD-X nga mosira na sa mosunod nga mga adlaw ang kadaghanan sa evacuation centers samtang nagpadayon ang pagbangon ug pagbalik sa normal nga panginabuhi sa mga apektadong komunidad.