Miabot na sa kapin 80,000 ka mga civilian sites ang naigo sa sunod-sunod nga pag-atake sa Estados Unidos ug Israel sulod sa nasud sa Iran.
Ang maong lapad nga operasyong militar nagbilin og grabeng kadaot sa imprastraktura ug kinabuhi sa mga sibilyan.
Sumala sa report gikan sa Iranian Red Crescent Society, lakip sa mga naguba mao ang liboan ka mga establisimento, mga tunghaan, ug mga medical nga pasilidad sa nagkalain-laing bahin sa nasud.
Tungod niini, nalisdan ang mga rescue workers sa paghatag og dinaliang tabang ngadto sa mga biktima.
Base sa pinakaulahi nga datus, mokabat na sa gatosan ang nakalas sa maong mga pagpamomba, diin gikatahong daghan sa mga biktima ang mga kababayen-an ug mga batan-on.
Padayon pa nga ginasusi sa mga awtoridad ang kinatibuk-ang gidaghanon sa mga casualties samtang nagpadayon ang tensyon sa maong rehiyon.