Nakatala og 700 ka na-impound nga mga motorsiklo ang buhatan sa City Transportation and Traffic Management Division (CTTMD) sa syudad sa Valencia nga naggikan sa nagkadaiyang lungsod ug dakbayan tungod sa nagkalain-laing paglapas sa balaod-trapiko.
Matud ni Dr. Nilo Suete Gonzaga, City Transportation and Traffic Management Division Officer, 270 ka vehicular accident usab ang ilang narehistro sulod sa tuig 2025 sa dakbayan.
Diin ang pagmaneho ubos sa impluwensya sa ilimnong makahubog ug overspeeding maoy nag-unang hinungdan sa kadaghanan sa mga disgrasya.
Pinakadaghan ang aksidente sa Barangay Poblacion nga may 150 ka kaso, gisundan sa Barangay Bagontaas nga adunay 36, Barangay Lumbo nga may 25, ug Barangay Batangan nga adunay 16 ka insidente.