Sikop ang usa ka 32-anyos nga lalaki human nakuhaan og mga smuggled nga sigarilyo sa gipahigayon nga operasyon sa mga operatiba sa Talakag Municipal Police Station didto sa Sitio Balubal, Barangay San Isidro, Talakag, Bukidnon.
Base sa report sa kapulisan, ang maong operasyon kabahin sa ilang kampanya batok sa pagkaylap sa mga ilegal ug smuggled nga produkto sa maong lungsod.
Nakuha gikan sa posisyon sa suspek ang pito (7) ka reams sa sigarilyo nga walay saktong dokumento.
Gibana-banaang nga mukabat sa Php5,600.00 ang kinatibuk-ang kantidad sa maong mga kontrabando.
Ang dinakpan ug ang mga nakumpiskang ebidensya gidala na sa buhatan sa kapulisan ug nakatakdang i-turn over ngadto sa Municipal Health Office (MHO) sa lungsod sa Talakag alang sa saktong disposisyon sa kaso.