Gipromote sa DepEd Region 10 ang kapin 5,000 ka teachers ug school leaders sa unang batch sa mass oath-taking ubos sa Expanded Teacher Professional Development program, nga gihimo gahapong adlawa.
Sa pakighinabi sa Bombo Radyo Malaybalay kay DepEd Region 10 Director Arturo Bayocot, hapit na 10,000 ka teachers ang na-promote sa tibuok Northern Mindanao, diin ang rehiyon adunay total nga 57,000 ka teaching ug non-teaching personnel.
Ang maong promotion naghatag og inspirasyon ug pag-ila sa mga magtutudlo nga dugay nang nagpaningkamot sa ilang propesyon. Giandam usab ang sunod nga clusters aron mapahigayon ang promotion sa uban pang deserving teachers ug school leaders. [
Gidasig ni Bayocot ang mga teachers nga wala pa na-promote nga padayon lang ang paglaum ug pagtuo, samtang nagplano ang DepEd sa pag-abli og dugang 20,000 ka teacher items sa tibuok nasod sa 2027 aron mapalig-on ang teacher-student ratio ug masiguro ang kalidad sa pagtudlo sa classroom.