Giandam na sa Department of Migrant Workers (DMW) ang repatriation request sa 223 ka Overseas Filipino Workers (OFWs) nga naa sa Israel, subay sa pagsaka sa tensyon ug kagubot sa rehiyon.
Matud ni DMW Secretary Hans Leo Cacdac, giandam na usab ang tanan nga kinahanglanon sa biyahe sa unang 30 ka mga OFW, nga maoy unang batch nga mopauli sa Pilipinas.
Ang maong grupo sa 30 ka OFW naglangkob sa 26 ka Filipino workers nga miabot sa Jordan human sila mipadayon sa Allenby Bridge ug King Hussein Bridge niadtong Domingo.
Sa Martes, ang grupo mopauli sa Pilipinas, uban sa 3 ka dugang nga OFW gikan sa Jordan ug 1 gikan sa West Bank. Gipasalig ni Secretary Cacdac nga ang mga OFW nga mopauli makadawat sa hinabang gikan sa gobyerno nga nagkantidad og ₱150,000 nga financial assistance, Training vouchers gikan sa TESDA, allowances, psychosocial counseling, ug ost-arrival medical assistance aron siguon ang estado sa ilang gikinahanglan ug panglawas.
Sa pagkakaron, kasamtangang nagpabilin sa sa Alert Level 3 ang Israel ug Iran, gumikan sa padayon nga kagubot, rason nga gihangyo sa DMW ang mga nahibiling Pinoy sa Israel nga hunahunaon ang pagpa-repatriate, aron malikayan ang katalagman ug peligro sa ilang seguridad.