Nahitabo ang usa ka talagsaong selebrasyon sa Union Square diin nagtapok ang 270 ka tawo nga nagsul-ob og costume sa sikat nga karakter sa video game nga si Mario aron sa pagsaulog sa Mario Day ug sa pagsulay og bag-ong world record.
Matod pa ni Nicolle Robles, Director of Communications sa GameStop, si Mario nagpahinumdom sa daghang tawo sa ilang pagkabata ug nagpamatuod nga bisan hamtong na ang mga magdudula, padayon gihapon silang malingaw sa video games.
Sa maong kalihokan, matag partisipante nakadawat og $5 GameStop credit. Samtang si Ross Martinez nga nagsul-ob og solid gold Mario costume gikan sa New Super Mario Bros. 2 giila nga “Best Dressed Mario.”
Nakadawat usab niini og premyo nga Nintendo Switch 2. Sumala sa mga tig-organisa, nalabwan niini ang karaang rekord nga 230 ka “Mario” nga natala sa China niadtong 2010.