Kapin ₱1.2 milyong damyos ang natala sa sunog nga miigo sa usa ka guest house sa monasteryo sa Barangay San Jose, Malaybalay City, sa milbayng adlaw.
Sa pakighinabi sa Bombo Radyo Malaybalay, gipadayag ni FO3 Brent Clyde Suico, Media Relations Officer sa Malaybalay City Fire Station, nga nadawat ang tawag bahin sa sunog alas 8:23 sa gabii, ug gilayon mitubag ang mga bumbero sa insidente nga mitumong sa monastery guest house, usa ka single-storey, semi-residential nga bilding alang sa mga bisita sa monasteryo.
Gibutyag ni Suico nga milungtad og halos 30 minutos ang pagpalong sa kalayo ug gideklarang fire out alas 8:45 sa gabii. Gipataas sa second alarm ang pagtubag diin mitabang ang Office of the Provincial Fire Marshal ug mga sub-station sa Malaybalay. Wala’y naitalang nasamdan sa maong sunog.
Una nga gipasabot sa mga imbestigador nga posibleng electrical ang hinungdan sa sunog, apan padayon pa ang imbestigasyon aron masuta ang tanang posibleng rason sa insidente.