Gipamatud-an sa social media ang pagkamatay ni Trevor Magallanes, nga nailhan nga kapikas sa komedyanteng si Rufa Mae Quinto.
Base sa report, ang igsoon mismo ni Trevor ang nagpahibalo sa publiko mahitungod sa iyang pagpanaw.
Mikuyanap sa social media ang balita, ug tungod niini, mibati og simpatiya ang daghang fans ni Rufa Mae, nga nagpaabot sa ilang simpatya ug suporta.
Bisan wala pa’y pormal nga pamahayag gikan kang Rufa Mae, nakita sa mga netizen ang ilang mga hulagway nga iyang gi-post sa Instagram, diin makita sila ni Trevor ug ang ilang anak nga si Athena.
Sa mga milabayng buwan, nasayran nga nagbulag na ang duha ug nagsugod na sa proseso sa ilang diborsyo samtang nagpuyo sila sa Estados Unidos.
Si Trevor, nga kanhi usa ka pulis, gikasal kang Rufa Mae niadtong 2016 ug aduna silay duha ka anak nga babaye.