Kanselado ug na-divert nga PH flights, misaka na sa 45 tali sa nagkagrabeng panagbangi sa Middle East — CAAP

Misaka pa ang gidaghanon sa mga kanselado ug na-divert nga mga flights gikan ug paingon sa Pilipinas ug Middle East tungod sa pugos nga pagsira sa airspace sa kadaghanang mga nasud sa rehiyon, bunga sa nagpadayon nga lapad nga pagbinayloay og mga pag-atake.

Sumala sa Civil Aviation Authority of the Philippines (CAAP), misaka na sa 42 ka flights ang nakansela samtang tulo pa ka flights ang na-divert base sa monitoring niadtong Lunes, Marso 2.

Halos doble kini tandi sa 23 ka flights nga una nga taho diin naapektuhan niadtong Domingo, Marso 1.

Matod sa ahensiya, kadaghanan sa mga naapektuhang flights nahitabo pa niadtong Dominggo diin 30 ang nakansela.