Magpabilin sa Alert Level 2 ang Bulkang Kanlaon sa Isla sa Negros, sumala ni PHIVOLCS Director Teresito Bacolcol.
Kini taliwala pa sa moderately explosive eruption nga natala kagahapon, Pebrero 19, 2026, nga milungtad og duha ka minuto.
Nasayran nga mga alas 4:38 sa hapon, mibuga og itom nga abo ang bulkan nga miabot sa 2,000 metros gikan sa crater adisir naabot sa habagat.
Natala usab ang pyroclastic density currents sa habagatan ug habagatan-kasadpang bahin sa bulkan, hangtod sa usa ka kilometro gikan sa summit crater.
Gipasidan-an usab sa PHIVOLCS, nga hugot gihapon nga ginadili ang pagsulod sa 4-kilometer permanent danger zone tungod sa risgo sa kalit nga pagbuto, pagkahulog sa bato, ug pagdagayday sa abo.
Gipahimangnoan usab ang mga residente ug lokal nga gobyerno nga mag-andam sa posibleng pag-ulan sa abo ug uban pang epekto sa aktibidad sa bulkan.
Samtang, ang Office of Civil Defense, nagpahinumdom usab sa mga komunidad sa palibot sa Kanlaon nga magpabiling alerto ug mosunod gilayon sa mga abiso sa mga otoridad aron malikayan ang peligro.