Mibati og tinuod nga kalipay ug kalinaw ang usa ka kanhing rebelde human makatagamtam og bag-ong kinabuhi pinaagi sa programa sa lokal nga kagamhanan sa Bukidnon.
Nagpasalamat uban sa luha sa kalipay si alyas Babelyn, usa ka kanhing rebelde, human kini dawaton sa Balay Ta Kalinaw, usa ka reintegration program sa provincial government sa Bukidnon nga naghatag og ikaduhang higayon sa mga misurender nga rebelde.
Gipahigayon ang programa sa probinsya diin ang mga benepisyaryo sama niya gisuportahan sa pagpanginabuhi, mental health recovery, ug pag-ila pag-usab sa papel nila sa komunidad.
Gipadayag ni Babelyn ang iyang dakong pasalamat uban ang tibuok pamilya tungod sa kahigayunan nga makab-ot ang kalinaw ug normal nga kinabuhi.Padayon ang paningkamot sa lokal nga kagamhanan sa Bukidnon nga hatagan og proteksyon ug suporta ang mga kanhing rebelde aron masiguro ang malinawon nga komunidad.