Kanhing Pangulong Bush, nagpasidungog sa pagkamatay ni Dick Cheney

Naghulagway si kanhing US President George W. Bush sa pagkamatay ni Richard “Dick” Cheney isip usa ka dako nga kapildihan sa nasud.

Sa iyang pamahayag, giingon ni Bush nga si Cheney usa ka maalamon, matinud-anon ug bootan nga lider nga nag-alagad sa nasud uban sa integridad ug patriotismo.

Matud pa ni Bush, si Cheney ang iyang gisaligan sa tibuok walo ka tuig sa iyang pagka-presidente, ilabi na sa mga panahon sa dagkong pagsulay sa Amerika.

Giila usab niya kini nga usa sa labing maayong public servants sa iyang henerasyon. Nagpahayag usab si Bush ug pag-ampo alang sa asawa ni Cheney nga si Lynne ug sa ilang mga anak ug apo.