Gipadayag ni Batangas 1st District Rep. Leandro Leviste nga gitugyan na kaniya ni kanhi DPWH Undersecretary Maria Catalina Cabral ang mga dokumento nga naglangkob sa giingong project “insertions” sa lain-laing DPWH projects sa tibuok nasod.
Sumala sa pahayag ni Leviste, gihatag ni Cabral ang maong dokumento niadtong Septiyembre 4, human giingnan kini ni Public Works Secretary Vince Dizon pinaagi sa telepono nga ipasa ang mga dokumento alang sa transparency.
Matud ni Leviste, maghulat siya sa desisyon sa DPWH kon ipagawas ba sa publiko ang maong mga dokumento. Gidugang ni Leviste nga ang mga dokumento naglakip sa mga ngalan sa proponents sa flood control ug uban pang DPWH projects, lakip ang pipila ka mga miyembro sa Kongreso, opisyal sa ehekutibo, ug pribadong indibidwal.
Matod pa niya, mas angay nga ang DPWH maoy mohimo og desisyon sa pagpagawas sa mga dokumento aron dili maapektuhan ang iyang buluhaton isip kongresista. Samtang niini, namatay si Cabral tungod sa blunt traumatic injuries nga giingong nahulog, base sa autopsy sa Cordillera police.
Ang mga alegasyon nga nalambigit siya sa flood control anomalies padayon pa ang imbestigasyon sa mga otoridad.