Gihimong inspirasyon ang usa ka makapanghinuklog nga kasinatian sa pagbangon sa usa ka babaye nga giilang si alyas Alkia gikan sa kangitngit sa human trafficking paingon sa dalan sa kalampusan.
Sa edad nga 16, nabiktima kini kaniadto sa maong ilegal nga kalihukan tungod sa kuryusidad ug kalisod, apan nahatagan og bag-ong kahigayonan pinaagi sa rehabilitasyon sa Regional Haven for Women.
Sulod sa maong pasilidad, nakadawat si Aika og mahinungdanong psychosocial counseling ug livelihood training nga nahimong pundasyon sa iyang pagbalik sa pag-eskwela ug pag-ayo sa iyang kaugalingon.
Tungod sa iyang talagsaong determinasyon, malampuson siyang nakagradwar sa Bachelor’s Degree in Business Administration niadtong Hulyo 2025.
Sa pagkakaron, siya na ang nagdumala sa negosyo sa ilang pamilya, usa ka buhing pamatuod nga ang mangitngit nga kagahapon dili babag sa pagkab-ot sa usa ka masidlak nga kaugmaon.