Gibatikos sa kampo ni Vice President Sara Duterte ang gihimong hearing sa House Committee on Justice isip usa ka “mini trial” alang sa duha ka impeachment complaints batok kaniya, nga giingon dili angay isipon nga tinuod nga trial gumikan reserved lamang kini alang sa Senado isip Impeachment Court.
Sumala ni Representative Terry Ridon, gigamit ang termino nga “mini trial” aron ipasabot sa publiko ang kalainan sa committee hearing ug sa posibleng trial sa Senado.
Gipasabot niini nga ang mga lihok sa komite nakabase sa Saligang Batas ug sa awtoridad sa Justice Panel , ug wala kini gibasi sa personal o politikal nga interes.
Gihisgutan usab ang posibilidad nga ang kampo ni VP Sara mangayo og Temporary Restraining Order (TRO) sa Supreme Court aron ipahunong ang hearing, apan andam ang komite sa pag-atubang niini ug bukas ang rules sa pag-assess sa mga petitions.
Gihulagway ni Ridon ang argumento sa kampo ni Duterte nga “nipis” ug nag-ingon nga mas maayo pa nga motambong sila sa sunod nga mga pagdungog aron mas klaro ang mga alegasyon ug masiguro ang transparency sa proseso, samtang nagpabilin nga kritikal kini nga hugna sa politikal ug legal nga panawagan sa nasud.