Gitawag sa legal counsel ni bise Presidente Sara Duterte nga kataw-anan ug klarong bakak ang bag-ong alegasyon ni Ramil Madriaga nga gikaingong gihulga kini nga ipapatay ni kanhi Negros Oriental 3rd District Rep. Arnolfo Teves Jr..
Matud ni Atty. Salvador Paolo Panelo Jr., wala’y basihanan ang maong pamahayag ug kabahin lamang sa padayon nga pagbag-o sa pamahayag ni Madriaga.
Sigon ni Panelo, una nang napamatud-an nga sayop ang naunang alegasyon ni Madriaga nga giduaw kini ni VP Sara sa prisohan aron pugngan sa pagtestigo, nga gihimakak na ni DILG Sec. Jonvic Remulla.
Tungod niini, miluwat ang kampo sa bise Presidente nga ang bag-ong pamahayag usa lamang ka lihok aron ilihis ang isyu human mabutyag ang unang pamahayag.
Dugang pa sa abogado, klaro matud pa nga nagpakita og “pattern” si Madriaga sa paghimo og mga alegasyon batok sa bise Presidente, lakip na ang mga giangkon niini nga adunay kalabotan sa confidential funds ug uban pang seryosong isyu nga karon gisusi sa Kongreso.
Samtang nagpadayon ang imbestigasyon ug impeachment proceedings sa Kamara, gisaway usab sa kampo ni Duterte ang House Committee on Justice tungod sa gikaingong pagdawat sa mga alegasyon nga wala pa mapamatud-i, lakip ang mga pamahayag ni Madriaga.