Gikuwestiyon sa kampo ni Vice President Sara Duterte ang awtoridad sa House Committee on Justice sa pagdumala sa gitawag nilang “mini-trial” may kalabotan sa impeachment complaints batok sa Bise Presidente.
Sumala kampo sa OVP nga gipangunahan ni Atty. Sheila Sison, nga ang Kamarabaha adunay katungod sa pagsugod sa impeachment, apan ang tinuod nga “trial” naa sa hurisdiksyon lamang sa Senado.
Subay niini, nakatakda nga motambong sa pagdungog si Atty. Michael Poa, human na aprobahan ang mosyon sa subpoena ug testificandum batok kaniya.
Gilauman nga ipasabot niini ang paggamit sa Confidential ug Intelligence Funds (CIF) sa panahon nga anaa kini sa Department of Education gikan 2022 hangtod 2023 isip kanhing Chief of Staff sa ahensya.
Matud usab ni Poa, nga nakurat kini sa pagkalambigit sa pipila ka “accomplishment reports” nga giingong dili tukma sa opisyal nga dokumento.
Alang usab sa kampo ni VP Sara, nga gi-uyonan nila nga mu-atubang ug mutistigo sa hustong forum si Ramil Madriaga alang sa pagpapamatuod sa mga alegasyon niini.