Nagpabiling blangko ang abogado sa kanhi representante sa Negros Oriental nga si Arnolfo Teves kung sa posibilidad nga tugotan ba kini sa korte nga makapiyansa alang sa kasong pagpatay nga giatubang ni Teves.
Matud ni Atty. Ferdinand Topacio, niadtong Miyerkules, mipahigayon og bail hearing sa Manila Regional Trial Court Branch 12.
Mapasalamaton si Topacio sa kahigayonan nga makapresenta sa ilang mga argumento.
Hugot ng nagtuo si Topacio nga mahimong patas ang paghusay sa ilang pagpresentar sa mga argumento.
Samtang, nagtuo usab sii Atty. Ferdinand Benitez, ang abogado sa testigo nga si Gemuel Hobro, nga dili mahatagan og pabor ang hangyo ni Teves nga makapiyansa.
Gikatakda si Hobro motestigo sa korte niadtong Agosto 8 apan nagka-problema sila sa pipila ka isyu sa Witness Protection Program hinungdan nga karong Agosto 11 na lamang sila motunga.
Kahinumdoman nga nag-atubang si Teves og kaso sa tuig 2019 nga pagpatay kang Lester Bato, ang bodyguard sa usa ka kandidato pagka-Mayor.
Nag-atubang usab kini og kasong illegal possession of firearms and explosives sa susamang korte.
Giakusahan usab si Teves, nga utok sa pagpatay kang kanhi Negros Oriental Governor Roel Degamo ug 10 ka uban pa niadtong Marso 4, 2023.