Naglaum ang kampo ni kanhi Presidente Rodrigo Duterte nga aksyonan ug resolbahon na sa Korte Suprema ang mga giduso nga petisyon alang sa writ of habeas corpus alang sa kanhi lider sa nasud.
Kini human ang pipila ka adlaw nga pagpadayon sa husay sa International Criminal Court (ICC) didto sa The Hague, Netherlands, diin pormal nang gipangalanan si Duterte ug ang iyang mga opisyal isip mga suspetsado sa mga krimen batok sa katawhan (crimes against humanity).
Matud sa legal team ni Duterte, importante ang dinaliang desisyon sa Korte Suprema aron mahatagan og katin-awan ang legalidad sa mga lakang batok sa kanhi presidente. Ang habeas corpus usa ka legal nga remedyo nga nagmando sa pagpresentar sa usa ka tawo sa korte aron masuta kung legal ba ang iyang pagkapriso o pagpugong sa iyang kagawasan.
Gipasiugdahan sa iyang mga abogado nga kinahanglan panalipdan ang mga katungod ni Duterte ubos sa balaod sa Pilipinas, samtang nagpadayon ang pressure gikan sa internasyonal nga korte.