Nagpasa og apila ang kampo ni kanhi Presidente Rodrigo Duterte sa Pre-Trial Chamber 1 kabahin sa ruling sa pre-detention sa kanhi Presidente.
Matud ni lead counsel Nicholas Kaufmab, nga lakip niini ang apila sa hinanaling pagpagawas sa kanhi Presidente.
Nakabutang sa dokumentong gipasa nga adunay sayop ang Pre-Trial Chamber 1 sa wala gidawat nga mga medical report gikan sa neurologist ug neuropsychologist.
Gikaingong nakabutang sa mga medical report nga girekomedenda sa kampo ni Duterte nga aduna kini problema sa kahimsog.
Matud ni Kaufman, nga klaro ang adunay kakulang sa executive functioning ang kanhi Presidente, diin lakip na usab ang problema sa kapasidad sa pagplano ug pagdesisyon niini.
Ang maong apila gisang-at isip tubag sa mando sa Appeals Chamber sa International Criminal Court.
Gihatagan usab sa mga Deputy Prosecutors ang mga Legal Representatives sa mga Biktima hangtod sa Pebrero 12 aron mag-file og brief appeal.
Una nang gisalikway sa ICC ang hangyo sa kampo ni Duterte nga indefinite adjournment ug nasuta nga adunay kakayahan ang kanhi Presidente nga muatubang sa pagdungog.
Gikatakda ang confirmation of charges hearing sa umaabot Pebrero 23, 2026.
Kahinumdoman kaniadtong Marso sa miaging tuig giaresto ang kanhi Presidente sa ICC tungod sa kasong crime against humanity.