Gitudlo ni kanhi Senator Antonio Trillanes IV nga ang kampo ni Duterte ang giingong nagpaluyo o utok sa 18 ka mga kanhi sundalo.
Gibutyag niini nga adunay nakaylap nga impormasyon ug ebidensya nga nagkonenkta sa maong grupo ngadto sa kampo sa kanhi presidente.
Matod pa niini nga dili magdugay adunay pipila sa 18 ka kanhi sundalo ang mo angkon kung kinsa ang nagpaluyo niini.
Samtang Gibutyag ni Department of Justice (DOJ) Secretary Jesus Crispin “Boying” Remulla nga adunay nagpaluyo nga motibong politikal ug ekonomikanhon sa mga alegasyon nga gipagawas sa pipila ka mga kanhi sundalo batok sa kasamtangang administrasyon.
Sumala ni Remulla, klaro nga adunay plano sa paghimo og “political tipping point” aron makuha ang suporta sa pipila ka mga armadong kusog sa nasud.
Dugang pa niini nga magpabiling patas ang DOJ sa pag-imbestigar niining mga alegasyon samtang gipaningkamotan nga mapamatud-an ang mga suspetsado sa dili pa mopagawas og pormal nga sumbong.