Gibatikos sa kampo sa negosyanteng si Atong Ang ang desisyon sa Department of Justice (DOJ) nga pasakaan sila’g kaso may kalabotan sa pagkawala sa usa ka sabungero.
Sumala ni Atty. Gabriel L. Villareal, abogado ni Ang, ang resolusyon dili patas ug daghan og kakulangon batok sa giakusahan.
Iyang giingon nga nagsalig lang ang DOJ sa kahina-hinalang testimonya sa witness nga si Julie Patidongan.
Gipasanginlan usab ni Villareal si Patidongan nga nagmanipula sa proseso aron maluwas ang kaugalingon, ug ilang gikukuwestiyon ngano nga wala gilakip sa DOJ ang uban pang mga natudlong pangunahing suspek sa kaso.
Nangayo usab sila sa Philippine National Police–Criminal Detection and Investigation Group (PNP-CIDG) nga usabon ang pag-imbestiga sa maong insidente.
Nahinumduman nga gipakasilotan sa DOJ si Ang ug 21 pang uban sa kasong kidnapping ug homicide may kalabotan sa pagkawala sa sabungero.